بواسطة مي شملاوي

تُعد العراق بلد الحضارة والأدب وقد تميّز شعراؤه بالشعر القوي ذي اللهجة الجميلة والمتميّزة، وقد خرج منه أسماء العديد من الشعراء المتميّزين والمشهورين أصحاب أجمل القصائد كالمتنبي الذي شهدت الفترة التي عاش فيها تفكّك الدولة العباسية والعديد من المعارك فامتاز شعره بالحكمة ووصف المعارك وفي فلسفة الحياة، وبدر شاكر السياب وجميل صدقي الزهاوي وبشار عبد الله والعديد من الشعراء الذين لا يتسع المقام لذكرهم، ولقد امتاز الشعر في العراق باللون الغزلي الذي اشتُهر على نطاق واسع؛ وفي هذا المقال نذكر أحلى غزل عراقي.

أحلى غزل عراقي

• أنا بس بالكلام وذايب بحبك

وأفكر بيك أنا في ليلي ونهاري

إذا شفتك صدّك شو يصير بحالي

أظن يغمى علي وأفقد إبصاري

تعال وصير إلي بالحب غطا وفراش

ودفيني بحنانك واعرف أسراري

زرعتك بالعشق وردة وصرتلك ماي

غصن حبّك شرب من أعذب أنهاري

أنا بدونك مثل بيت انهدم ساسه

تعال ابني أساسي وابدأ أعماري

حبيبي ارحم بحالي حن على قلبي

أنا بهجرك دمع بعيوني ضل جاري

صرت أنت بقلبي كالنبض والدم

وسميتك حبيبي ملهم أفكاري
تعال وخلي أيديك تشبك أيديه
واحضني وطفي بالعشق ناري
أريدك كالحمامة تحط على بيتي
وأريدك كالثريا تنور بداري
تعال وصير إلي انت الهوا والماي
وأريدك كالبلابل تسكن أشجاري

• شفت البدر ويا الشمس وراك يمشون

انتي الذوق وانتي الحسن وانتي الزّين بألوانه

جيتك شايل ورده حمرا عطرها موزون

وبس عرفت لمن بتروح ذبل خجلانة

إلا سبحان هالخالق أمره بين كاف ونون

• حبيبي والله إني فيك مغرم ونفسٍ مالها ذمة سقيمة

حبيبي كل شيء فيني ملكته ونار الحب في جوفي ظريمة

إذا روحي لها في حبك ذنوب هلا في ذنوبها لو هي ظليمة

وإذا في حبك إجرام ارتكبته فأنا كلّي فخر بأعظم جريمة

• يا معشر العشاق بالله خبروا

إذا حل عشق بالفتى كيف يصنع

يداري هواه ثم يكتم سره

ويصبر في كل الأمور ويخضع

كيف يداري والهوى قاتل الفتى

وفي كل يوم قلبه يتقطع

• واشغل نفسي كوه وما أباوعالك

أحاول ما أشوفك وأنسه كل الفات

بلكي كليبي يزهك شوكك ويملك

أكول لنفسي باجر لازم انمر بيك

واجذبني واصدك وأدري ما مرلك

صديقك مو حبيبك صعب هذا الدّور

مثلته وغصب عالدمعة اضحكلك

واسمحلك تدوس جروحي من تضوج

ومن تضحك بعد شتسوي اسمحلك

اشوف اهلك جنت والخاطرك كل يوم

ولأن كلبي يحبك صرت أحب أهلك

ما ينفع اسف والعمر يمشي بساع

واني وياك تهنه وكلمن بمسلك

مجنون اني ما ارهم اعيش وياك

ومن جسمي ولك لو ردت اذبحلك

اشربك ماي عيني وتاكل من الروح

واذا حزنان اخلي جروحي تركصلك

ما حسيت أبد بحساسي ما حسيت

رغم بيدي اجيب احساس واخذلك

وانت الدمعه ما تذرفه لجل الناس

وما تعرف عدوك ذاك من خلك

ضل بهذا حالك واني هم ابعيد

واحسن خل اعوفك وانت احسنلك

• ردلي حبيبي ارجوك وارحم حوالي...ما شكي على مخلوق لله سوالي

يال ما دريت اشصار وقف واقلك...حال اليتيم تهون عن حال خلك

خاف الله يالمريت ما كلمتني...ليتك حكيت اوياي لو شتمتني

قلبي عليك ينوح مانام ليله...مسألتي أنا وياك صارت طويلة

جيتك بقايا انسان ايدي على خدي...قلبك صخر ما لان يالعفت ودي

ترجع ترد الروح يا كامل الزين...انا ارد اموت اليوم وتقلي بعدين

يوم انا اخس من يوم لو كان تدري...هذي ثلاث شهور منته علخبري

بعد وجفى وهموم يوم اردى من يوم...وعيني على فراقك ما ذاقت النوم

لا يا وليف الروح لا تنسى ودي...مالي غرض بالنّاس بس انته عندي

الما ينام الليل عله على عله...العيشة عقب اهواي عيشة مذلة

اشكي سهير الليل من فرقا خلي...ارفع يديني فوق لله واصلي

اسهر واهل ادموع والدرب ادله...والمايريده اهواه عله على عله

يا خلي لا مريت سلم عليه...كل السبب ذولاك انا اش بيديه

يا خلي لو صديت قلبي يريدك...موت وحيات الروح ياخلي بيدك

يا سمر فراقك ليش روحي جرحها...صابر ودمع العين غصبن فضحها

يالفارقتني الروح بعدك جريحة...بعدك طريح افراش كني ذبيحة.